韓國Grad Trip。Day11。Part2 駱山公園+梨花洞壁畫

525(五)

★Day 11★︰屋塔房王世子拍攝場地—>惠化水冷麵—>梨花洞壁畫—>秘密花園吉羅琳家—>東大門shopping—>陳玉華一隻雞—>弘大shopping


食完lunch就出發去駱山公園和梨花洞啦～
之前睇人地影的梨花洞壁畫好靚
所以一早plan左會黎
朋友仲話王世子黎過呢度拍野。。。




沿住一條少少上斜的路行
會見到下面的圖。。
咁方向就岩啦～之後一直行就會到駱山公園
沿途已經好多唔同風格的壁畫啦～

 

行到呢個位附近就係駱山公園啦～
有一條路上去公園的。。沿住行會去到城廓公園落去東大門
呢度已經係山上～

朋友話王世子有幕係呢兩個人型公仔前拍
佢地係度影左好耐～

我冇睇到所以好快影完就向前行
想睇多Ｄ其他壁畫

其實梨花洞唔係好大
不過有好多小巷同樓梯
要細心Ｄ先可以見到多Ｄ壁畫～

呢條花花樓梯係其中一條好多人都影過的
不過開始脫色啦～前面條靚Ｄ的！
仲有梨花洞的屋都係有人住的　所以遊覽時唔好太嘈～

呢條就係好靚的花花樓梯啦～
我影完冇人的樓梯之後就黎左好多人啦～
王世子都有係樓梯上出現過。

影完樓梯唔好走住
要上埋樓梯睇下～
仲有一幅好靚的壁畫係上面～

之後落返樓梯再向前行

呢幅壁畫好得意～

見到呢幅壁畫就係離開的路啦～
應該差唔多睇晒～

行到熱熱地～又食啜啜雪糕
今次試cookie&cream
又係好好味！！！
而且係士多買平好多　只係１０００won

 

之後我地沿住大路行。。完全冇睇地圖
因為唔知係咩位置
不過我地又好成功咁行返去東大門的方向
見到東大門城廓公園～

到左東大門啦～
之後仲有另一個韓劇拍攝地要去～

 

韓國Grad Trip。Day11。Part1 屋塔房

525(五)

★Day 11★︰屋塔房王世子拍攝場地—>惠化水冷麵—>梨花洞壁畫—>秘密花園吉羅琳家—>東大門shopping—>陳玉華一隻雞—>弘大shopping


返到首爾~
天氣很好的一天
今日係追星日,去左幾個韓劇的拍攝地
不過兩套劇我都冇睇過XDD

guesthouse有一位同房的中國妹妹阿丹係JYJ fans
因為我地係韓國的日子熱播緊《屋塔房王世子》
呢位fans去左幾次屋塔房間屋
而我有幾個朋友都有追套劇…佢地勁迷朴有天~
所以阿丹就帶我地去睇屋塔房啦~

我地去呢日係播大結局的第二日
屋塔房位於西大門
因為我只係跟住阿丹行…所以唔識路去
屋塔房附近有城牆




見到屋塔房啦~
追劇的朋友好開心…但我冇睇所以感受唔大~
因為間屋係搭出黎ge…我地去到見到有人拆緊間屋啦…
真係效率好高…琴日播完結局今日就拆
我地遲少少黎都睇唔到間屋啦~

潛建的屋塔房~

工人連呢個公雞方向標?都搬走埋
朋友話呢個係套劇入面成日出現~

睇完間屋我地就行上去一座小山,係另一個拍攝地
途中見到一大班小朋友上緊戶外堂
好可愛呀!!! 排排坐^^

望返去屋塔房~已經拆緊個窗啦~

沿住城牆行唔知會去邊度呢?我覺得係東大門~

上到座小山…會見到呢座建築物
好似係政府部門
全座白色~都幾靚~

山上有枱同椅~朋友話男女主角有係度坐過
仲有一棵樹~不過我好似冇影到…
山上有涼風吹住..好舒服~
我地係度坐左一陣…追劇的朋友就係咁講套劇XD

山上影返落去

係公園見到紅葉~唔知點解呢間日子會見到???
之後係南怡島都見到~

我地落山之後見到已經拆晒啦~準備運走
之後都見唔到間屋塔房啦~
朋友好開心可以係拆之前見到~

睇完屋塔房,我地去左惠化,因為之後會去駱山公園同梨花洞睇壁畫
到左惠化去食lunch先~

是但揀左一間店~入面好多明星簽名

呢度有年糕鍋、水冷麵同少少日式食物
價錢唔貴

朋友叫的年糕鍋~紫色的年糕幾特別~

之前食左好多鍋…所以我自己叫左好掛住的水冷麵食
不過呢個水冷麵冇之前係首爾站food court食的咁好食
呢個冇梨架….之前果個有梨好好食…同埋呢個的麵係黑色的~

朋友叫的辣麵…都唔錯

芝士豬排