517 (四)
★Day 3★︰cafe jass—>延世大學—>showboo 芝士年糕鍋(改左名) —>梨花女子大學—>梨大shopping—>雞肉串燒—>哈哈烤大腸店
今日的行程好悠閒…
有一個美好的開始, 亦有一個完美的結束!
今日打算去延世同梨大參觀下
我地又係比較遲出門…hea D都好
出門之前係guesthouse睇左少少順藤重播
敏赫好型呀!
因為冇得去飯捲天國食旱餐
經過cafe Jass時就入左去飲杯咖啡
入面好舒服呀~
木的枱椅同擺設俾人好溫暖的感覺
入到去一定要影下容和的簽名
容和坐的枱擺位唔同左
拍攝時係打直的…
宜家變左打橫~
我叫左一杯sweet potato latte
又幾好味喎~入面有少少蓄薯蓉
甜甜地不錯
餅乾係送GE…鹹鹹地咁都幾好食
係cafe Jass hea到十一點幾`就出發去延世啦~
係新村站落車行去延世
當時好多學生返學..
落緊細雨
入左延世門口一直行
就會去到延世的地標啦
一座好靚的建築物
行到入去已經冇落下啦~
係到慢慢行…欣賞下韓國的大學
5月都有時會見到少少紅葉
延世都幾大…有shuttle bus上山上的campus
我地睇完座地標就行去梨大食lunch啦~
之前睇左人地個遊記諗住去食showboo芝士年糕鍋
點知去到搵唔到呢間店
明明地圖係岩ge
之後遇到著紅色衫的travel volunteer
先知道原來改左名…
我地頭先有望過…不過唔知係呢一間
我地叫左一個3人份量的芝士海鮮年糕鍋同一枝桃汁
年糕鍋幾好味..加埋芝士好正
我地之後都不斷食芝士鍋XD
韓國的海鮮鍋好多都有青口..
我地食親都有好多..可能盛產青口
呢隻桃汁係乳酸飲品
好似話可以解辣..炒年糕店好多都有得飲~
我地食完一個鍋唔係幾夠飽~
當時又唔知可以加錢炒飯
所以又叫多左一個腸仔鍋
我諗好少人好似我地咁食兩個鍋~
通常都只係加料落個鍋度
食完兩個鍋好飽啦~最後都冇炒飯~
食飽飽就去梨大行下hea下^^
maps:
showboo改左名啦~不過認住個紅色招牌都好易搵到
沒有留言:
張貼留言